7 തവണ ബാലൻഡിയോർ നേടി ലയണൽ മെസ്സി ഫുട്ബോൾ ലോകത്തെ ഒന്നാകെ ഞെട്ടിച്ചിരിക്കുകയാണ് ഇപ്പോൾ. എന്നാൽ, ഈ കഴിഞ്ഞുപോയ രണ്ടു സീസണുകളിൽ മികച്ച പ്രകടനം നടത്തിയ റോബർട്ട് ലെവൻഡോവ്സ്കിയെ പിന്നിലാക്കി ആയിരുന്നു ലയണൽ മെസ്സി ഈയൊരു പുരസ്കാരം സ്വന്തമാക്കിയത്.
എന്നാൽ മെസ്സിയെക്കാൾ ബാലൻഡിയോർ നേടാൻ അർഹത ബയേൺ മ്യൂണിക് താരമായ റോബർട്ട് ലെവൻഡോവ്സ്കി ആണ് എന്നാണ് ഫുട്ബോൾ പ്രേമികൾ ഒന്നാകെ ഇപ്പോൾ വ്യാപകമായി പറഞ്ഞുകൊണ്ടിരിക്കുന്നത്.
2020 ബാലൻഡിയോർ കൊറോണ പാൻഡെമിക് മൂലം റദ്ദാക്കിയതോടെ, 2021ലെ ബാലൻഡിയോർ പുരസ്കാരം അദ്ദേഹത്തിന് തന്നെ ലഭിച്ചേക്കും എന്ന് ഫുട്ബോൾ പ്രേമികൾ ഒന്നാകെ കണക്കുകൂട്ടി. എന്നാൽ അന്തിമ വിധി പുറത്തുവന്നപ്പോൾ വിധി മറ്റൊന്നായിരുന്നു.
ഈ സീസണിൽ കോപ്പ അമേരിക്ക നേടിയ ലയണൽ മെസ്സിയോടൊപ്പം ഫുട്ബോൾ ജേർണലിസ്റ്റുകളും ഫുട്ബോൾ പണ്ഡിതന്മാരും കൂടുതൽ വോട്ടുകൾ നൽകി ഒപ്പം നിന്നു.
എന്നാൽ പുരസ്കാര സ്വീകരിച്ചതിനുശേഷം ലയണൽ മെസ്സി റോബർട്ട് ലെവൻഡോവ്സ്കിയെ അഭിനന്ദിക്കാൻ മറന്നില്ല. അദ്ദേഹം ബാലൻഡിയോർ നേടാൻ അർഹനായിരുന്നു എന്ന് മെസ്സി പറയുകയുണ്ടായി.
The striker of the year award goes to… Robert Lewandowski ! 🦾 #ballondor pic.twitter.com/OEy9mlSjki
— Ballon d'Or #ballondor (@francefootball) November 29, 2021
ആരൊക്കെ എന്തൊക്കെ പറഞ്ഞാലും, റോബർട്ട് ലെവൻഡോവ്സ്കിക്ക് ബാലൻഡിയോർ ലഭിക്കാത്തതിൽ ഫുട്ബോൾ പ്രേമികൾക്ക് ഒന്നാകെ വലിയ നിരാശയുണ്ട്.
വെറും 33 വോട്ടുകൾക്കാണ് ലെവൻഡോവ്സ്കിയെ മറികടന്ന് മെസ്സി ബാലൻഡിയോർ നേടിയത്.
താരങ്ങൾക്ക് ലഭിച്ച വോട്ടിംഗ് കണക്ക്:
ലിയോ മെസ്സി - 613 വോട്ട്
റോബർട്ട് ലെവൻഡോവ്സ്കി - 580 വോട്ട്
ജോർജിഞ്ഞോ - 460 വോട്ട്
കരീം ബെൻസിമ - 239 വോട്ട്
കാന്റെ - 186 വോട്ട്
ക്രിസ്റ്റ്യാനോ റൊണാൾഡോ - 178 വോട്ട്
മുഹമ്മദ് സല - 121 വോട്ട്
കെവിൻ ഡിബ്രൂയിൻ - 73 വോട്ട്
എംബാപ്പെ - 58 വോട്ട്
ഗോണ്ണാറുമ്മ - 36 വോട്ട്