സമീപകാലത്തായി പരിക്കുകൾ കൊണ്ട് ഏറെ ബുദ്ധിമുട്ടിയ താരമാണ് ബാഴ്സലോണയുടെ ബ്രസീലിയൻ താരം ഫിലിപ്പെ കുട്ടീഞ്ഞോ.
Coutinho y su polémica frase con Barjuan tras mandarlo a calentar ante el Celta de Vigo
— DeportesLR (@DeportesLR) November 10, 2021
El exentrenador del equipo principal le ordenó al brasileño que realice activación corporal tras lesión de Ansu Fati, pero no ingresó en ningún momento del encuentrohttps://t.co/yPhJLC8ugk
പരിക്കുകൾ മാറി നിലവിൽ ബാഴ്സലോണയുടെ സ്ക്വാഡിൽ ഉൾപ്പെട്ട താരത്തിനെതിരെ വളരെ മോശമായ കമന്റുകൾ ആണ് വന്നുകൊണ്ടിരിക്കുന്നത്. താരത്തെ മടിയൻ എന്ന് മുദ്രകുത്തി കൊണ്ട് ഒരു കൂട്ടർ വന്നു.
സെൽറ്റ വിഗോയ്‌ക്കെതിരെ കളിക്കാൻ ഇറങ്ങാൻ ബ്രസീലിയൻ താരം വിസമ്മതിച്ചതായി റിപ്പോർട്ടുകൾ ഉണ്ടായിരുന്നു, അതിനു ശേഷമാണ് ചില മാധ്യമങ്ങളിൽ മടിയൻ എന്ന് മുദ്രകുത്തിയുള്ള പദപ്രയോഗം വന്നത്.
അതിനെതിരെ ശക്തമായി തന്നെ താരം പ്രതികരിക്കുകയും ചെയ്തു; "ഞാൻ മടിയനാണെന്ന് മുദ്രകുത്തിയ കമന്റുകൾ കണ്ടപ്പോൾ ശരിക്കും ഞെട്ടിപ്പോയി. അതിലൊന്നും ഒരു സത്യവുമില്ല." കൗട്ടീന്യോ മാധ്യമപ്രവർത്തകരോട് പറഞ്ഞു.
"ഞാൻ തിരിച്ചെത്തിയതിന് ശേഷം, എന്റെ ഏറ്റവും മികച്ച നിലവാരത്തിലെത്താൻ, [മാച്ച് ഫിറ്റ്നസ് നേടുന്നതിന്] തുടക്കം മുതൽ നാലോ അഞ്ചോ ഗെയിമുകളുടെ ഒരു ശ്രേണി എനിക്കുണ്ടായിരുന്നില്ല,"
"ഞാൻ വീട്ടിലെത്തി ഇത് (മടിയൻ എന്നുള്ള പ്രയോഗം) കണ്ടപ്പോൾ അൽപ്പം ആശ്ചര്യപ്പെട്ടു, ചില മാധ്യമങ്ങളിൽ എന്നെ അലസനായ കളിക്കാരൻ എന്ന് വിളിക്കുന്നു. എന്റെ കരിയറിൽ ഞാൻ എല്ലായ്പ്പോഴും ഒരു പ്രൊഫഷണലാണ്."
"എനിക്ക് ഒരിക്കലും പ്രൊഫഷണലിസത്തിന്റെ കുറവുണ്ടായിട്ടില്ല. ഞാൻ ഇതുവരെ കളിച്ചിട്ടുള്ള എല്ലാ ക്ലബ്ബുകളിലും നിങ്ങൾക്ക് പരിശോധിക്കാം." അദ്ദേഹം മാധ്യമങ്ങളോട് പറഞ്ഞു.
പുതിയ പരിശീലകനായ സാവി ഹെർണാണ്ടസിന്റെ കീഴിൽ താരത്തിന് വ്യക്തമായ റോൾ ഉണ്ടോ എന്ന് കാത്തിരുന്നു കാണേണ്ടി വരും.