ലോകകപ്പ് യോഗ്യത മത്സരത്തിനുശേഷം അൽജീരിയൻ താരം റിയാദ് മെഹ്റസിനൊപ്പം ഫോട്ടോയെടുക്കാൻ എതിരാളികളായ ജിബൂട്ടിയുടെ കളിക്കാർ തിക്കും തിരക്കും കൂട്ടി.
കഴിഞ്ഞദിവസം നടന്ന മത്സരത്തിൽ എതിരില്ലാത്ത നാലു ഗോളുകൾക്ക് അൽജീരിയ വിജയിച്ചിരുന്നു. ആ മത്സരത്തിന് ശേഷമായിരുന്നു ജിബൂട്ടിയുടെ കളിക്കാർ മൊബൈൽ ഫോണും കൊണ്ട് മൈതാനത്ത് വന്ന് താരത്തോടൊപ്പം സെൽഫി എടുക്കാൻ മത്സരിച്ചത്.
യാതൊരു മടിയും കൂടാതെ മാഞ്ചസ്റ്റർ സിറ്റി താരവും കൂടിയായ റിയാദ് മെഹ്രസ് അവരോടൊപ്പം ഫോട്ടോയെടുക്കാൻ സഹകരിച്ചു.
Djibouti's players couldn't resist getting a selfie with Mahrez 😅 pic.twitter.com/czpcw0SRoh
— ESPN FC (@ESPNFC) November 13, 2021
ആഫ്രിക്കൻ ഭൂഖണ്ഡത്തിൽ നിലവിൽ കളിച്ചുകൊണ്ടിരിക്കുന്നതിൽ ഏറ്റവും മികച്ച താരങ്ങളിൽ ഒരാളാണ് അദ്ദേഹം. മുഹമ്മദ് സല, സാദിയോ മാനെ എന്നിവരുടെ ഗണത്തിലാണ് റിയാദ് മെഹ്രസിന്റെ നിലവിലെ സ്ഥാനം. ആഫ്രിക്കൻ ഭൂഖണ്ഡത്തിലെ ഏറ്റവും മികച്ച താരമായും അദ്ദേഹത്തെ തിരഞ്ഞെടുത്തിട്ടുണ്ടായിരുന്നു.