ലോക ഫുട്ബോളിൽ നിലവിൽ കളിച്ചുകൊണ്ടിരിക്കുന്നതിൽ ഏറ്റവും മികച്ച മുന്നേറ്റ താരങ്ങളിലൊരാളാണ് ലിവർപൂളിന്റെ മുഹമ്മദ് സല.
തന്റെ ഇടതുകാലിലെ മാന്ത്രികത കൊണ്ട് ഫുട്ബോൾ പ്രേമികളെ ഒന്നാകെ ഉള്ളം കയ്യിൽ ഇട്ട് അമ്മാനമാടാൻ ഉള്ള കഴിവ് ഈ ഈജിപ്ഷ്യൻ താരത്തിനുണ്ട്. ലോക ഫുട്ബോളിൽ നിലവിൽ കളിച്ചുകൊണ്ടിരിക്കുന്ന ഏറ്റവും മികച്ച 10 താരങ്ങളിലൊരാളാണ് മുഹമ്മദ് സല.
നിരവധി ക്ലബ്ബുകൾ ആണ് താരത്തിന് പിന്നാലെ ഇപ്പോൾ ഉള്ളത്, ഇപ്പോൾ പുറത്തുവരുന്ന വാർത്ത അനുസരിച്ച് സൂപ്പർ താരം മുഹമ്മദ് സലായെ സ്വന്തമാക്കാൻ ബാഴ്സലോണ ശ്രമിക്കുന്നു എന്നതാണ്.
മുഹമ്മദ് സലായെ കൂടാരത്തിൽ എത്തിക്കാൻ നിലവിലെ പരിശീലകൻ ആയ സാവി ശ്രമിക്കുന്നു എന്ന ചൂടുള്ള വാർത്തയാണ് ഇപ്പോൾ പുറത്തു വന്നുകൊണ്ടിരിക്കുന്നത്.
ആ ഒരു വാർത്ത മുഹമ്മദ് സല കാണാനും ഇടയായി. ആ വാർത്ത കണ്ട താരം പ്രതികരിക്കുകയും ചെയ്തു,
മുഹമ്മദ് സലായുടെ വാക്കുകൾ ഇങ്ങനെയായിരുന്നു:
"സാവിക്ക് എന്നെ സ്വന്തമാക്കാനുള്ള താൽപര്യത്തെക്കുറിച്ച് പറയുന്ന റിപ്പോർട്ടുകൾ ഞാൻ വായിച്ചിരുന്നു. ബാഴ്സലോണ പോലെയൊരു ടീമിന് എന്നിൽ താൽപര്യമുണ്ടെന്നത് എനിക്ക് സന്തോഷം നൽകുന്ന കാര്യമാണ്." സലാ തുറന്നു പറഞ്ഞു.
"പക്ഷെ, ഞാൻ ലിവർപൂളിൽ സന്തുഷ്ടനാണ്, എന്താണ് ഭാവിയിൽ സംഭവിക്കുകയെന്നു നമുക്ക് കണ്ടറിയാം."
"നിലവിൽ ഞാൻ പ്രീമിയർ ലീഗിൽ തുടരുന്നതിനാണ് പ്രാധാന്യം നൽകുന്നത്, ഇത് (പ്രീമിയർ ലീഗ്) ലോകത്തിലെ ഏറ്റവും കരുത്തുറ്റ ലീഗാണ്." പ്രമുഖ മാധ്യമമായ മിറർ റിപ്പോർട്ട് ചെയ്തു. (എംബിസിക്ക് നൽകിയ അഭിമുഖത്തിലാണ് സലാ ഇങ്ങനെ പറഞ്ഞത്).