സൂപ്പർ താരം കരീം ബെൻസിമയും കിലിയൻ എംബാപ്പെയും ഫ്രാൻസിനു വേണ്ടി മിന്നുന്ന പ്രകടനം നടത്തിക്കൊണ്ടിരിക്കുകയാണ്. ഇരുവരും ഒന്നിനൊന്നു മെച്ചപ്പെട്ട പ്രകടനമാണ് ഓരോ മത്സരത്തിലും കാഴ്ചവച്ചു കൊണ്ടിരിക്കുന്നത്.
രാജ്യത്തിനുവേണ്ടി ഇരുവരുടെയും കൂട്ടുകെട്ട് വരാൻ പോകുന്ന ലോകകപ്പിന് വലിയ പ്രതീക്ഷയാണ് നൽകുന്നത്. ലോകകപ്പ് നിലനിർത്താനുള്ള കഠിന ശ്രമം ആരംഭിച്ചുകഴിഞ്ഞ ഫ്രാൻസ് കഴിഞ്ഞദിവസം കസാഖിസ്ഥാനെ എട്ട് ഗോളിനാണ് തോൽപ്പിച്ചത്. ഈ വിജയത്തോടെ ഖത്തർ ലോകകപ്പിന് യോഗ്യത നേടുകയും ചെയ്തു ഫ്രാൻസ്.
രാജ്യത്തിനുവേണ്ടി മികച്ച കൂട്ടുകെട്ട് നടത്തുന്ന ഇരുവരും ക്ലബ്ബിന് വേണ്ടിയും ഒരുമിക്കാനുള്ള സാധ്യത വളരെ കൂടുതലാണ്. കഴിഞ്ഞ ട്രാൻസ്ഫറിൽ കിലിയൻ എംബാപ്പെ റയൽ മാഡ്രിഡിലേക്ക് പോവാൻ താല്പര്യം പ്രകടിപ്പിച്ചിരുന്നു എങ്കിലും പിഎസ്ജി അദ്ദേഹത്തെ വിട്ടില്ല.
എന്നാൽ കഴിഞ്ഞ ദിവസത്തെ മത്സരത്തിനുശേഷം കരീം ബെൻസിമ പറഞ്ഞവാക്കുകൾ വരാൻപോകുന്ന സീസണിൽ കിലിയൻ എംബാപ്പെ റയൽ മാഡ്രിഡിനു വേണ്ടി കളിച്ചേക്കും എന്നുള്ള സൂചനയാണ്.
🗣️"Mbappé and I play very well together, I already said it, we are compatible. Today we were able to score both. We have fun together, we are decisive, and we help the team by playing collectively." #RMFC
— Football Talk (@Football_TaIk) November 14, 2021
-Karim Benzema pic.twitter.com/1jL6kx3b3D
"എംബാപ്പെയും ഞാനും ഒരുമിച്ച് നന്നായി കളിക്കുന്നു, ഞാൻ ആ കാര്യം നേരത്തെ പറഞ്ഞിട്ടുണ്ട്, ഞങ്ങൾ പൊരുത്തപ്പെടുന്നു. ഇന്ന് (കഴിഞ്ഞ മത്സരം) ഞങ്ങൾക്ക് രണ്ടും സ്കോർ ചെയ്യാൻ കഴിഞ്ഞു. ഞങ്ങൾ ഒരുമിച്ച് രസിച്ചു കളിക്കുന്നു, കൂട്ടായി കളിച്ച് ടീമിനെ സഹായിക്കുന്നു." എംബാപ്പയുടെ കൂട്ടുകെട്ടിനെകുറിച്ച് കരീം ബെൻസിമ പറഞ്ഞു.