തന്റെ ആരോഗ്യം വേണ്ടപോലെ പരിപാലിക്കുന്ന താരമാണ് ക്രിസ്ത്യാനോ റൊണാൾഡോ എന്ന് എല്ലാവർക്കും അറിയാവുന്ന കാര്യമാണ്. അന്നും ഇന്നും എന്നും അത് അങ്ങനെ തന്നെയായിരിക്കും.
ക്രിസ്റ്റാനോ റൊണാൾഡോയുടെ വീട്ടിൽ ഉച്ച ഭക്ഷണം കഴിക്കാൻ വേണ്ടി പോയപ്പോൾ ഉണ്ടായ രസകരമായ സംഭവത്തെക്കുറിച്ച് മുൻ മാഞ്ചസ്റ്റർ യുണൈറ്റഡ് താരം എവ്ര പറയുകയുണ്ടായി.
ആരെയെങ്കിലും ക്രിസ്ത്യാനോ റൊണാൾഡോ വീട്ടിലേക്ക് ഭക്ഷണം കഴിക്കാൻ ക്ഷണിക്കുകയാണ് എങ്കിൽ ഒരിക്കലും പോവരുത് എന്ന് എവ്ര തമാശരൂപേണ പറഞ്ഞു.
ക്രിസ്റ്റ്യാനോ റൊണാൾഡോ മുമ്പ് മാഞ്ചസ്റ്റർ യുണൈറ്റഡിൽ കളിച്ചിരുന്ന കാലത്ത് എവ്രയോടൊപ്പം മൂന്നുവർഷത്തോളം കളിച്ചിരുന്നു. ആ സമയത്ത് മികച്ച ആത്മബന്ധം ആയിരുന്നു ഇരുവരും തമ്മിൽ ഉണ്ടായിരുന്നത്.
അന്ന് ക്രിസ്ത്യാനോ റൊണാൾഡോ വീട്ടിലേക്ക് ക്ഷണിച്ചപ്പോൾ ഉണ്ടായ രസകരമായ സംഭവം ആണ് അദ്ദേഹം പറഞ്ഞത്.
റൊണാൾഡോ ഫ്രഞ്ചുകാരനെ തന്റെ വീട്ടിലേക്ക് ഉച്ചഭക്ഷണത്തിനായി ക്ഷണിച്ചപ്പോൾ, അത് എവ്ര പ്രതീക്ഷിച്ചതുപോലെ നടന്നില്ല.
ക്രിസ്റ്റ്യാനോ നിങ്ങളെ അവന്റെ വീട്ടിൽ ഉച്ചഭക്ഷണത്തിന് ക്ഷണിക്കുമ്പോൾ ആർക്കും ഞാൻ ഉപദേശം നൽകും, "ഇല്ല എന്ന് പറഞ്ഞേക്കണം" ITV-യുടെ 2018 ലോകകപ്പ് പോഡ്‌കാസ്റ്റിൽ എവ്ര പറയുകയുണ്ടായി.
ആ സംഭവം ഇങ്ങനെ:
"അദ്ദേഹം (റൊണാൾഡോ) പറഞ്ഞു: 'പാട്രീസ്, പരിശീലനം കഴിഞ്ഞ് വരൂ.'..
"ഞാൻ പരിശീലനം കഴിഞ്ഞ് പോയി.. [പിന്നെ] ഞാൻ ശരിക്കും ക്ഷീണിതനാണെന്ന് നിങ്ങൾക്കറിയാം. മേശപ്പുറത്ത് സാലഡും പ്ലെയിൻ വൈറ്റ് ചിക്കനും മാത്രമേ ഉണ്ടായിരുന്നുള്ളൂ,.."
"ഞങ്ങൾ ഭക്ഷണം കഴിക്കാൻ തുടങ്ങി, അത് കഴിഞ്ഞ് കുറച്ച് വലിയ മാംസം വരുമെന്ന് ഞാൻ കരുതി, പക്ഷേ ഒന്നും വന്നില്ല.."
"അവൻ (റൊണാൾഡോ) പെട്ടെന്ന് തന്നെ ഭക്ഷണം കഴിച്ചു, അവൻ എഴുന്നേറ്റു,."
"പിന്നീട് ഒരു പന്ത് ഉപയോഗിച്ച് അവൻ കളിക്കാൻ തുടങ്ങി, കുറച്ച് സ്കില്ലുകൾ കാണിച്ചു, അവൻ പറഞ്ഞു: 'നമുക്ക് ടു ടച്ച് ചെയ്യാം..'
റൊണാൾഡോ പറഞ്ഞു: " വാ നമുക്ക് ടൂ-ടച്ച് കളിക്കാം."
"നമ്മൾ ടൂ-ടച്ച് കളിക്കാൻ തുടങ്ങുന്നു. അതിനു ശേഷം നമുക്ക് കുളത്തിൽ നീന്താൻ പോകാം എന്ന് റോണോ പറഞ്ഞു,.."
"ഞാൻ 'ശരി...' എന്ന മട്ടിലായിരുന്നു, ഞാൻ ശരിക്കും അവശനായി. പരിശീലനം കഴിഞ്ഞായിരുന്നു ഇതെന്ന് ഓർക്കുക."
അത്കൊണ്ട്,
"ക്രിസ്റ്റ്യാനോ നിങ്ങളെ അവന്റെ വീട്ടിലേക്ക് ക്ഷണിക്കുമ്പോൾ ഞാൻ ആരോടും ശുപാർശ ചെയ്യുന്നത്, പോകരുത്, ഇല്ല എന്ന് പറയുക, കാരണം ഈ വ്യക്തി ഒരു യന്ത്രമാണ്."
"അവൻ പരിശീലനം നിർത്താൻ ആഗ്രഹിക്കുന്നില്ല. അവൻ ഒരു യന്ത്രമാണ്.. ശരിക്കും യന്ത്രം.." എവ്ര പറഞ്ഞു.
എവ്ര ഈ പറഞ്ഞത് ക്രിസ്റ്റ്യാനോ റൊണാൾഡോയുടെ ജീവിതശൈലിയെ കുറിച്ചായിരുന്നു. പരിശീലനത്തിനും ഭക്ഷണകാര്യത്തിലും അദ്ദേഹം ചെലുത്തുന്ന ശ്രദ്ധ അത്ഭുതപ്പെടുത്തുന്നതാണ് എന്ന് എവ്ര പറയുകയുണ്ടായി.