ലോകം കാത്തിരിക്കുന്ന അർജന്റീനയും ബ്രസീലും തമ്മിലുള്ള മത്സരത്തിൽ ഫുട്ബോൾ പ്രേമികൾക്ക് നിരാശ.
നാളെ ഇന്ത്യൻ സമയം രാവിലെ 5 മണിക്ക് ലാറ്റിനമേരിക്കൻ മേഖലയിലെ ലോകകപ്പ് യോഗ്യത മത്സരത്തിൽ അർജന്റീനയുടെ നിരയിൽ ലയണൽ മെസ്സി ഉണ്ടാകുമോ എന്ന സംശയമുണ്ടായിരുന്നു. എന്നാൽ നാളെ അർജന്റീനക്ക് വേണ്ടി ലയണൽ മെസ്സി ആദ്യ ഇലവനിൽ കളിക്കുമെന്ന് ടീം അറിയിച്ചു.
എന്നാൽ, ഫുട്ബോൾ പ്രേമികളുടെ ഒന്നാകെ ഞെട്ടിച്ചുകൊണ്ട് ബ്രസീൽ നിരയിൽ നെയ്മർ ജൂനിയർ ഉണ്ടാകില്ല എന്ന് ബ്രസീലിയൻ ഫുട്ബോൾ ഫെഡറേഷൻ അറിയിച്ചു.
Neymar will miss Brazil's game against Argentina with a thigh injury 😔 pic.twitter.com/Fov7kffM3W
— GOAL (@goal) November 15, 2021
ലയണൽ മെസ്സി വീണ്ടും ആരോഗ്യവാനാണെന്നും ചൊവ്വാഴ്ച ബ്രസീലിനെതിരെ സ്വന്തം തട്ടകത്തിൽ ലോകകപ്പ് യോഗ്യതാ മത്സരത്തിൽ കളിക്കുമെന്നും എന്നാൽ തുടയിൽ വേദന അനുഭവപ്പെട്ടതിനെത്തുടർന്ന് നെയ്മറിന് ആ മത്സരം നഷ്ടമാകുമെന്നുമാണ് ഇരു ടീമുകളും അറിയിച്ചത്.