ഖത്തർ ലോകകപ്പിലേക്കുള്ള നേരിട്ടുള്ള അവസരം പോർച്ചുഗലിന് നഷ്ട്ടമായിരുന്നു. അവർക്ക് ഇനി പ്ലേ ഓഫ് മത്സരം കളിച്ചു ജയിച്ചാൽ മാത്രമേ യോഗ്യത ലഭിക്കുകയുള്ളൂ.
നിർണായകമായ മത്സരത്തിൽ സെർബിയയോട് ഒന്നിനെതിരെ രണ്ട് ഗോളുകൾക്ക് പോർച്ചുഗൽ തോറ്റതോടെയാണ് സൂപ്പർ താരം ക്രിസ്റ്റ്യാനോ റൊണാൾഡോയുടെ പറങ്കിപ്പട ഇപ്പോൾ തുലാസിൽ ആയിരിക്കുന്നത്.
മത്സരശേഷം ക്രിസ്ത്യാനോ റൊണാൾഡോയെ ട്രോളി കൊണ്ട് ഒരു സെർബിയൻ താരം രംഗത്തുവന്നു. യൂറോ കപ്പ് മത്സരം നടക്കുന്ന സമയത്ത് ക്രിസ്റ്റ്യാനോ റൊണാൾഡോ കൊക്കോകോളക്കെതിരെ ശക്തമായി രംഗത്ത് വന്നിരുന്നു. കൊക്കോകോള കുടിക്കരുതെന്ന് അദ്ദേഹം അന്ന് വാർത്താസമ്മേളനത്തിൽ പറയുകയും ചെയ്തിരുന്നു.
കഴിഞ്ഞ ദിവസം പോർച്ചുഗലിനോട് ലോകകപ്പ് യോഗ്യതാ മത്സരത്തിൽ വിജയിച്ചതിനുശേഷം സെർബിയൻ താരം അലക്‌സാണ്ടർ മിട്രോവിച്ച് കൊക്കോകോള ക്യാനുമായി അടിവസ്ത്രം ഇട്ട് കൊണ്ട് കളിക്കളത്തിലേക്ക് അപ്രതീക്ഷിതമായി പ്രത്യക്ഷപ്പെട്ടു.
Aleksandar Mitrović came back on the pitch with a can of Coke to celebrate Serbia’s win over Portugal 😅
— ESPN FC (@ESPNFC) November 15, 2021
(via @serbianfooty) pic.twitter.com/Qb1G7tTGC5
സംഭവത്തെ അനുകൂലിച്ചും പ്രതികൂലിച്ചും നിരവധി പേരാണ് സോഷ്യൽ മീഡിയയിൽ പ്രത്യക്ഷപ്പെട്ടത്. ചിലർ ഇത് ആഘോഷം ആക്കിയപ്പോൾ മറ്റു ചിലർ ഇതിനെതിരെ ശക്തമായി പ്രതികരിച്ചു.