ഏറെനാൾ ഇഷ്ടപ്പെട്ട ഇതിഹാസ താരത്തെ അടുത്ത് ചെന്ന് കാണാനോ, അദ്ദേഹത്തെ തൊടാനോ, കഴിയുമെന്ന് സ്വപ്നത്തിൽ പോലും കരുതിക്കാണില്ല ആ കൊച്ചു ബാലിക.

എന്നാൽ ഇപ്പോൾ അത് സംഭവിച്ചിരിക്കുകയാണ്. കഴിഞ്ഞ ദിവസം ലോകകപ്പ് യോഗ്യതാ മത്സരത്തിൽ അയർലാൻഡിനെതിരെ പോർച്ചുഗൽ ഗോൾരഹിതമായ സമനിലയിൽ പിരിയേണ്ടി വന്നപ്പോൾ സുന്ദരമായ ഒരു മുഹൂർത്തത്തിനായിരുന്നു ഫുട്ബോൾ ലോകം സാക്ഷ്യം വഹിച്ചത്.

ഒരു ഐറിഷ് കൊച്ച് ആരാധിക മത്സരശേഷം ക്രിസ്ത്യാനോ റൊണാൾഡോയെ കാണാൻ സുരക്ഷാ ഉദ്യോഗസ്ഥരെ വെട്ടിച്ചുകൊണ്ട് ഓടി വന്നപ്പോൾ, റൊണാൾഡോ ആ കൊച്ചു ആരാധികയെ വാരിപ്പുണർന്നു. വികാരനിർഭരമായി കൊണ്ട് ആ ആരാധിക അവിടെനിന്ന് പൊട്ടിക്കരഞ്ഞു. സുരക്ഷാ ഉദ്യോഗസ്ഥർ ഒരു നിമിഷം കണ്ണടച്ചു, ക്രിസ്ത്യാനോ റൊണാൾഡോ തന്റെ ജേഴ്സി സമ്മാനമായി നൽകുകയും ചെയ്തു.
ഗോൾ ഇല്ല മത്സരത്തിൽ മനോഹരമായ ഒരു കാഴ്ച ആയിരുന്നു ഫുട്ബോൾ പ്രേമികൾക്ക് ക്രിസ്ത്യാനോ റൊണാൾഡോ നൽകിയത്.
Tags
Previous Post Next Post