ബാഴ്സലോണ ആരാധകർക്ക് നിരാശ നൽകുന്ന വാർത്തയാണ് ഇപ്പോൾ പുറത്തു വന്നുകൊണ്ടിരിക്കുന്നത്.
നീണ്ട നാൾ ബാഴ്സലോണയ്ക്ക് വേണ്ടി കളിച്ച ബ്രസീലിയൻ താരം ഡാനി ആൽവേസ് ബാഴ്സലോണയിലേക്ക് തിരിച്ചു വരുന്നു എന്നുള്ള വാർത്തകൾ കഴിഞ്ഞ ദിവസങ്ങളിൽ സജീവമായിരുന്നു, അദ്ദേഹം കറ്റാലൻ ക്ലബ്ബിന് തന്റെ സേവനം വാഗ്ദാനം ചെയ്തിരുന്നു. എന്നാൽ ബാഴ്സലോണ ഡാനി ആൽവസിനെ സൈൻ ചെയ്യില്ല എന്ന് ഉറപ്പായി.
38 കാരനായ ഡാനി ആൽവേസ് പുതിയ പരിശീലകനായി വന്ന സാവിയുടെ കീഴിൽ സേവനം ചെയ്യാൻ ആഗ്രഹം പ്രകടിപ്പിച്ചിരുന്നു, എന്നാൽ ക്ലബ്ബിന് താരത്തെ ഇപ്പോൾ കൊണ്ടുവരാൻ ഒരു താൽപര്യവുമില്ല. അത് ബാഴ്സലോണ താരത്തെ അറിയിക്കുകയും ചെയ്തു എന്നാണ് പ്രമുഖ മാധ്യമമായ മാർക്ക റിപ്പോർട്ട് ചെയ്യുന്നത്.
La alegría.
— Fútbol en Movistar+ (@MovistarFutbol) November 10, 2021
Dani Alves, el coleccionista de títulos. #NoticiasVamos pic.twitter.com/X0cW06cUSR
2008 നും 2016 നും ഇടയിൽ ബാഴ്‌സലോണയ്‌ക്കായി കളിച്ച ഡാനി ആൽവേസ്, 391 മത്സരങ്ങൾ 8 സീസണുകളിലായി കളിക്കുകയും 23 ട്രോഫികൾ നേടുകയും ചെയ്തു.