ഭാര്യയേയും മക്കളെയും കണ്ടപ്പോൾ എന്റെ മനസ്സലിഞ്ഞു; അല്ലെങ്കിൽ മത്സരത്തിനിടെ വംശീയാധിക്ഷേപം നടത്തിയ സുവാരസിനെ ഞാൻ അന്ന് തീർക്കുമായിരുന്നു എന്ന ഞെട്ടിക്കുന്ന വെളിപ്പെടുത്തലുമായി മുൻ മാഞ്ചസ്റ്റർ യുണൈറ്റഡ് താരം എവ്ര.

2011 ലെ ഒരു മത്സരത്തിനിടെ മുൻ ലിവർപൂൾ സ്‌ട്രൈക്കർ ലൂയി സുവാരസ്, എവ്രയെ വംശീയമായി അധിക്ഷേപിച്ചിരുന്നു. അതിന് ശിക്ഷയായി സുവാരസിനെ എട്ട് മത്സരങ്ങളിൽ നിന്ന് വിലക്കുകയും 40,000 പൗണ്ട് പിഴ ചുമത്തുകയും ചെയ്തിരുന്നു.

ആ ഒരു സംഭവത്തിനുശേഷം, മാഞ്ചസ്റ്ററിൽ ലൂയിസ് സുവാരസിനെ ആക്രമിക്കാൻ താൻ രണ്ടും കല്പിച്ച് തയ്യാറായിരുന്നു എന്ന് പാട്രിസ് എവ്ര വെളിപ്പെടുത്തി.

വംശീയാധിക്ഷേപം നടത്തിയതിനു ശേഷമുള്ള മത്സരത്തിൽ എവ്രയ്ക്ക് കൈകൊടുക്കാൻ വിസമ്മതിക്കുന്ന സുവാരസ്..

വംശീയാധിക്ഷേപം നടത്തിയ സുവാരസിനെതിരെ മത്സരശേഷം എവ്ര പ്രതികരിക്കുന്നു..
മാഞ്ചസ്റ്ററിൽ വെച്ച് സുവാരസിനെ കണ്ടപ്പോൾ തനിക്ക് ശരിക്കും ദേഷ്യം വന്നു എന്നും എവ്ര പറയുകയുണ്ടായി. പക്ഷേ, സുവാരസിന്റെ ഭാര്യയെയും മക്കളെയും കണ്ടപ്പോൾ അയാളെ ഒന്നും ചെയ്യാൻ തോന്നിയില്ല.

"വംശീയമായി അധിക്ഷേപിച്ചതിന്റെ പ്രതികാരമായാണ് താൻ അന്ന് അദ്ദേഹത്തെ ശാരീരികമായി ആക്രമിക്കാൻ തയ്യാറായത്. മുൻ ലിവർപൂൾ കളിക്കാരൻ ഷോപ്പിംഗിന് പോകുന്നത് കാണുകയും ഒടുവിൽ അത് ചെയ്യാൻ ഒരുങ്ങുകയും ചെയ്തു. എന്നാൽ, അദ്ദേഹത്തിന്റെ ഭാര്യയേയും മക്കളെയും കണ്ടപ്പോൾ എനിക്ക് അത് ചെയ്യാൻ തോന്നിയില്ല. " എവ്ര പറഞ്ഞു.
Tags
Previous Post Next Post