ഇംഗ്ലീഷ് പ്രീമിയർ ലീഗ് ക്ലബ്ബായ ന്യൂകാസിൽ യുണൈറ്റഡിനെ അറേബ്യൻ ഗ്രൂപ്പ് സ്വന്തമാക്കിയതോടെ വരും സീസണുകളിൽ മികച്ച താരങ്ങൾ എത്തുമെന്ന് ഏറെക്കുറെ ഉറപ്പായ കാര്യമാണ്.
വരുന്ന ട്രാൻസ്ഫർ ജാലകത്തിൽ റയൽ മാഡ്രിഡിന്റെ വമ്പൻ താരത്തെ സ്വന്തമാക്കും എന്ന ദൃഢ പ്രതീക്ഷയിലാണ് ന്യൂകാസിൽ യുണൈറ്റഡ് മാനേജ്മെന്റ്. വരുന്ന ട്രാൻസ്ഫർ ജാലകത്തിൽ അഞ്ച് താരങ്ങളെ സ്വന്തമാക്കാനുള്ള പദ്ധതിയാണ് അവർ ഇട്ടിരിക്കുന്നത്. അതിലൊന്നാണ് റയൽ മാഡ്രിഡ് മധ്യനിര താരമായ ടോണി ക്രൂസ്.
ന്യൂകാസിൽ യുണൈറ്റഡിന്റെ പട്ടികയിലെ ഏറ്റവും പ്രയാസകരമായ സൈനിംഗ് ജർമ്മൻ മിഡ്‌ഫീൽഡറായിരിക്കും, എന്നിരുന്നാലും അദ്ദേഹത്തെ സ്വന്തമാക്കാനുള്ള ശ്രമങ്ങൾ ന്യൂകാസിൽ യുണൈറ്റഡ് ഇപ്പോഴേ ആരംഭിച്ചുകഴിഞ്ഞു എന്നാണ് റിപ്പോർട്ടുകൾ.
ന്യൂകാസിൽ യുണൈറ്റെഡ് ഈ വരുന്ന ട്രാൻസ്ഫറിൽ ടീമിൽ എത്തിക്കാൻ സാധ്യതയുള്ള 5 പ്രധാന താരങ്ങൾ:
1. ടോണി ക്രൂസ് : റയൽ മാഡ്രിഡ് (ജർമ്മനി)
2. നിക്ലാസ് സുലെ : ബയേൺ മ്യൂണിക് (ജർമ്മനി)
3. വാൻ ഡി ബീക്ക് : മാഞ്ചസ്റ്റർ യുണൈറ്റഡ് ( നെതർലാൻഡ്)
4. ജെസ്സി ലിംഗാർഡ് : മാഞ്ചസ്റ്റർ യുണൈറ്റഡ് (ഇംഗ്ലണ്ട്)
5. ടൈറോൺ മിംഗ്സ് : ആസ്റ്റൺ വില്ല (ഇംഗ്ലണ്ട്)